کرکٹ ورلڈ کپ کی ٹرافی ایک بار پھر پاکستان آئے گی
کرکٹ ورلڈ کپ کی ٹرافی ایک بار پھر پاکستان آئے گی، کل وزیراعظم ہاؤس لایا جائے گا۔انیس سو بانوے ورلڈ کپ کے فاتح کپتان کرکٹرعمران خان جوکہ اب وزیراعظم پاکستان بھی ہیں ان کیلئے ورلڈکپ ٹرافی اسپیشل دورے پر پاکستان پہنچے گی۔اسپانسر خصوصی طور پرٹرافی کو پاکستان لارہے ہیں، قومی کپتان سرفراز احمد دبئی سے ٹرافی کے ہمراہ اسلام آباد پہنچیں گے۔گورنر سندھ عمران اسماعیل کا کہنا ہے ہماری تمنا ہے کہ ورلڈ کپ دوبارہ پاکستان آئےسرفرازاحمد کہتے ہیں کہ امیدوں پر پورا ترنے کی کوشش کرینگے۔
قومی کرکٹ ٹیم کے کپتان سرفرازاحمد کی گورنرسندھ سے ملاقات ہوئی، ملاقات میں عمران اسماعیل نے ورلڈکپ کیلئے کپتان کا حوصلہ بڑھایا اور ٹرافی پاکستان لانے کی امید لگالی۔سرفرازاحمد نے کہا کہ اچھی کارکردگی دکھاتے ہوئے قوم کی امیدوں پرپورا اتریں گے، قومی کپتان نے ضلع وسطی کے فتح باغ میں پودا لگاکرشجرکاری مہم کا افتتاح بھی کیا۔سرفرازاحمد نے کہا کہ وزیراعظم عمران خان پودے لگارہے ہیں توکھلاڑی بھی اس میں اپنا بھرپور حصہ ڈال رہے ہیں۔
