پاکستان اور آسٹریلیا تیسرا ایک روزہ میچ آج ہو گا

پاکستان اور آسٹریلیا کے درمیان تیسرا ایک روزہ بین الاقوامی کرکٹ میچ آج بروز بدھ کو کھیلا جائے گا۔ آسٹریلیا کو پاکستان کے خلاف پانچ میچوں کی سیریز میں 2-0 کی برتری حاصل ہے۔پاکستان اور آسٹریلیا کے درمیان تیسرا میچ ابوظبی میں ہوگا۔ آسٹریلیا نے پہلے میچ میں پاکستان کو 8 وکٹوں سے شکست دی، جب کہ دوسرے میچ میں بھی کینگروز نے پاکستان کو 8 وکٹوں سے شکست دیکر سیریز میں 2-0 کی برتری حاصل کر رکھی ہے۔تیسرے میچ میں کامیابی کے لئے دونوں ٹیموں کے کپتانوں نے بیانات دیئے ہیں۔ پاکستانی ٹیم ابتدائی دونوں میچوں میں شکست کے باوجود سیریز میں جاندار کم بیک کے لئے پر امید ہے۔دوسری جانب آسٹریلوی ٹیم پاکستان کو تیسرے میچ میں شکست دیکر پانچ میچوں کی سیریز میں فیصلہ کن برتری حاصل کرنے کے لئے پرعزم ہے۔ اس اعتبار سے توقع کی جارہی ہے کہ دونوں ٹیموں کے درمیان سیریز کا تیسرا میچ سخت اور کانٹے دار ہوگا۔دونوں ٹیموں کے درمیان سیریز کا چوتھا میچ 29 مارچ کو دبئی میں کھیلا جائے گا، جب کہ پانچواں اور آخری میچ 31 مارچ کو دبئی میں ہی کھیلا جائیگا۔