کراچی کے نئے ڈپٹی میئر کا انتخاب

 

کراچی کے نئے ڈپٹی میئر کا انتخاب آج ہو گا۔ سٹی کونسل میں ضمنی الیکشن کے لیے پولنگ سٹی کونسل میں صبح 9 بجے سے شروع ہو کر شام 5 بجے تک جاری رہے گی ۔ڈپٹی میئر کا عہدہ پارٹی وفاداری تبدیل کرنے کے باعث ارشد وہرہ کی نااہلی کے باعث خالی ہوا تھا۔ ان کی نااہلی کی وجہ پارٹی وفاداری کی تبدیلی بنی۔ارشد وہرہ جب ڈپٹی میئرمنتخب ہوئے تو ان کا تعلق متحدہ قومی موومنٹ پاکستان سے تھا، اس کے بعد انہوں نے سابق سٹی ناظم مصطفیٰ کمال کی پاک سرزمین پارٹی میں شمولیت اختیار کرلی تھی، جس پر ایم کیو ایم نے ان کیخلاف پٹیشن دائر کی تھی۔نئے ڈپٹی میئر کیلئے ایم کیوایم پاکستان کےارشد حسن اور پیپلزپارٹی کے کرم اللہ وقاصی میں کانٹے کا مقابلہ متوقع ہے۔ پی پی امیدوار کو ن لیگ ، جماعت اسلامی اور اے این پی کی حمایت حاصل ہے۔

نئے ڈپٹی میئر کے انتخاب کیلئے 300 ارکان ووٹ کاسٹ کریں گے۔پولنگ کے موقع پرکے ایم سی بلڈنگ کے تمام دفاتر بند ہیں جبکہ سیکیورٹی کے بھی سخت انتظامات کیے گئے ہیں۔