بلوچستان کے پکنک پوائنٹس پر پابندی عائد

محکمہ موسمیات نے ندی نالوں میں طغیانی کے باعث بلوچستان کے پکنک پوائنٹس پر پابندی عائد کرتے ہوئے عوام کو ان جہگوں سے دور رہنے کی ہدایات جاری کی ہیں۔ محکمہ موسمیات کے مطابق بلوچستان میں اتوار سے طوفانی بارشوں کا امکان ہے۔محکمہ موسمیات نے ندی نالوں میں طغیانی کے باعث بلوچستان کے پکنک پوائنٹس پر پابندی عائد کرتے ہوئے عوام کو ان جگہوں سے دور رہنے کی ہدایات جاری کردی ہے۔ محکمہ موسمیات کے مطابق بلوچستان میں اتوار سے طوفانی بارشوں کا سلسلہ شروع ہوگیا ہے

ترجمان پاکستان ڈیزازٹرمینجمنٹ کے مطابق پکنک پوائنٹس پر پابندی کے نفاذ کیلئے ڈپٹی کمشنر کو لیٹر جاری کردیا گیا ہے۔ دوسری جانب محکمہ موسمیات کا کہنا ہے کہ ایران سے بارش برسانے والا بادلوں کا سسٹم بلوچستان میں داخل ہوگیا ہے، جس کے باعث صوبے میں اتوار سے طوفانی بارشوں کا امکان ہے۔ترجمان میٹ آفس کے مطابق بارش سے ندی نالوں میں طغیانی آسکتی ہے، جب کہ بارشوں کا سلسلہ بدھ تک جاری رہنے کا امکان ہے۔ بارشوں کے نئے سسٹم نے پشین، چمن، زیارت، قلعہ عبداللہ اور قلعہ سیف اللہ میں گرمی کے احساس کو کم جب کہ ہر طرف پانی پانی کردیا، جب کہ بعض علاقوں میں بارش کے ساتھ اولے بھی پڑے۔

اتوار کے روز کوئٹہ، ژوب، مکران، قلات ڈویژن میں اکثر مقامات پر جب کہ سبی، نصیر آباد، ڈئی آئی خان، ڈی جی خان، بنوں، سرگودھا ڈویژن میں کہیں کہیں پر، سندھ میں شہید بینظرآباد، سکھر، لاڑکانہ، کراچی، جب کہ مالاکنڈ، راولپنڈ ی ڈویژن میں بعض مقامات پر تیز ہواوں/ آندھی اور گرج چمک کے ساتھ بارش اور بعض مقامات پر ژالہ باری کا بھی کا امکان ہے۔ اس دوران مکران، قلات، ژوب، کوئٹہ ڈویژن میں بعض مقامات پر درمیانی اور چند مقامات پر موسلا دھار بارش کا بھی امکان ہے۔کراچی والوں کو بھی خوشخبری سناتے ہوئے کہا ہے کہ کراچی میں پیر سے میگھا برسنے کا قوی امکان ہے۔ دوسری جانب آزاد کشمیر اور ایبٹ آباد میں بارش نے جل تھل کردیا۔ ساہیوال اور وہاڑی میں بھی برستے بادلوں نے فضا خوشگوار بنا دی۔