"میاں صاحب بڑے لوگ ہیں، ہم چھوٹے لوگ ہیں" آصف علی زرداری

کورٹ روم میں سابق صدر آصف علی زرداری سے صحافیوں کی غیر رسمی گفتگو سامنے آگئی۔میڈیا سے غیر رسمی گفت گو کے دوران ایک صحافی نے برجستہ سوال کرتے ہوئے زرداری سے پوچھا کہ "آپ آج اس کرسی پر بیٹھے ہیں، وہاں نواز شریف بیٹھتے تھے"، صحافی کے سوال پر سابق صدر نے کہا کہ "میاں صاحب بڑے لوگ ہیں، ہم چھوٹے لوگ ہیں"۔ ایک اور صحافی نے سوال کیا کہ "فریال تالپور جہاں بیٹھی ہیں،وہاں مریم نواز بھی بیٹھا کرتی تھیں"، جس پر زرداری نے جواب دیتے ہوئے کہا کہ آپ تو خوش ہیں نا؟۔ایک سوال کے موقع پر شریک چیئرمین کا کہنا تھا کہ سابق صدر پرویز مشرف کو پیش کرنے کے معاملے پر اسٹیبلیشمنٹ کو پوچھنا چاہیے۔