بھارت اس ماہ کی 16 سے 20 تاریخ کے دوران پاکستان کے خلاف جارحیت کرسکتا ہے ، وزیر خارجہ شاہ محمود قریشی

دفتر خارجہ نے بھارت کے ڈپٹی ہائی کمشنر کو طلب کرکے پاکستان کے خلاف کسی بھی مہم جوئی سے خبردار کر دیا۔ترجمان دفتر خارجہ ڈاکٹر محمد فیصل نے ایک ٹویٹ میں کہا ہے کہ وزیر خارجہ کی گزشتہ روز کی بریفنگ سے متعلق ایک دستاویز بھی بھارتی ڈپٹی ہائی کمشنر کے حوالے کی گئی ہے۔دفتر خارجہ نے واضح کیا کہ پاکستان، بھارت کو کسی بھی مِس ایڈونچر کی صورت میں سخت جواب دے گا۔گزشتہ روز ملتان میں وزیر خارجہ شاہ محمود قریشی نے صحافیوں کو بتایا کہ پاکستان کے پاس مصدقہ خفیہ معلومات ہیں کہ بھارت اس ماہ کی 16 سے 20 تاریخ کے دوران اس کے خلاف جارحیت کرسکتا ہے۔