وزیرخزانہ اسد عمر کا اسحاق ڈار کو کرارا جواب

 

اسلام آباد: سابق وزیر خزانہ اسحاق ڈار نے ڈالر کی قیمت کو واپس 120 روپے پر لانے کے لئے موجودہ حکومت کو پیشکش کی تھی جس پر اب وزیرخزانہ اسد عمر نے اپنے ردعمل کا اظہار کردیا۔تفصیلات کے مطابق آج نیوز کے پروگرام ‘فیصلہ آپ کا’ میں گفتگو کرتے ہوئے سابق وزیر خزانہ اسحاق ڈار کا کہنا تھا کہ ڈالر کی قیمت کو واپس 120 پر لانے کے لئے حکومت مجھے ملکی معیشت کانٹریکٹ پر دے دے۔اسحاق ڈار کی پیشکش کے جواب میں وزیر خزانہ اسد عمر نے کرارا جواب دیتے ہوئے کہا ہے کہ اسحاق ڈار کو ملکی معیشت پر اب رحم کھانا چاہیئے، انہوں نے اپنے 4 سالہ دورِ حکومت میں ملکی معیشت کو شدید نقصان پہنچایا ہے۔