کراچی میں دودھ کی قیمتوں پر ایسو سی ایشن 2 گروپوں میں بٹ گئی

کراچی میں دودھ کی قیمتوں پر ایسو سی ایشن 2 گروپوں میں بٹ گئی، شاکر گروپ کہتا ہے قیمتوں میں فی لیٹر 23 روپے اضافہ ہوگا۔ حاجی اختر گروپ نے مخالفت کردی۔ کہتے ہیں اس فیصلے میں ہماری رائے شامل نہیں، دودھ سرکاری نرخ پر ہی بیچا جائے۔کریک ڈاؤن کا خوف یا آپسی اختلافات؟، دودھ فروش مافیا شہر میں اپنا راج سمجھ کر ایک بار پھر قیمتیں بڑھانے کی کوشش کرنے لگا، 5، 10 روپے نہیں بلکہ پورے 26 روپے بڑھانے کا اعلان شاکر گجر گروپ نے کیا، لیکن حاجی اختر گروپ نے انکار کردیا تو دکانداروں نے  قیمتیں نہ بڑھائیں۔

کمشنرکراچی اگر قیمتیں بڑھانے پر مان گئے، تو حاجی اختر گروپ بھی رضامند ہوجائے گا لیکن فی الحال سرکار کا ایسا کوئی ارادہ نہیں۔ضلع انتظامیہ نے واضح کردیا کہ دودھ کی قیمت میں من مانے اضافے کی اجازت نہیں دی جائے گی۔عوام نے قیمتوں میں من مانے اضافے کے اعلان پر شدید رد عمل کا اظہار کردیا، کہتے ہیں مہنگائی کا ایک اور بم نہ گرایا جائے۔