کراچی کے علاقے نارتھ ناظم آباد کے بلاک ڈی میں گھر پر ڈکیتی مزاحمت کے دوران فائرنگ سے میاں، بیوی اور دو سالہ بچہ زخمی ہوگیا۔پولیس کے مطابق بدھ کو الصبح نارتھ ناظم آباد کے بلاک ڈی میں مسلح ڈاکوؤں نے گھر میں واردات کی کوشش کی۔ اس دوران گھر والوں کے جاگنے پر ڈاکوؤں نے فائرنگ کردی ۔ڈاکوؤں کی فائرنگ سے گھر میں موجود تین افراد زخمی ہوگئے۔ زخمیوں کو عباسی شہید اسپتال منتقل کردیا گیا جہاں ان کی حالت خطرے سے باہر بتائی جارہی ہے۔