وزیراعظم عمران خان پنجاب کے ایک روزہ دورے پر لاہور پہنچ گئے ہیں

وزیراعظم عمران خان پنجاب کے ایک روزہ دورے پر لاہور پہنچ گئے ہیں، جہاں وہ وزیراعلی سے ملاقات اور پنجاب کابینہ کے اجلاس کی صدارت کریں گے۔لاہور آمد پر وزیراعظم عمران خان سے وزیراعلی پنجاب عثمان بزدار نے ملاقات کی۔ ملاقات میں وزیراعلی کی جانب سے صوبے کے امور تفصیلی بریفنگ بھی دی گئی۔

اس موقع پر وزیراعظم عمران خان کا کہنا تھا کہ عوام کو ریلیف فراہم کرنے والے اقدامات کو ترجیح دی جائے۔دورے کے دوران وزیراعظم پنجاب کابینہ کے اجلاس کی صدارت اور پنجاب انرولمنٹ پالیسی کا افتتاح بھی کریں گے۔وزیراعظم کو نیشنل ایکشن پلان پر کارروائیوں اور محکمہ انڈسٹریز کی جانب سے بھی بریفنگ دی جائے گی، جب کہ وزیر صنعت اسلم اقبال کاروباری سرگرمیوں کے لئے سہولتوں کے اقدامات پر بریفنگ دیں گے۔دوسری جانب وزیراعظم عمران خان کو پناہ گاہ منصوبے سے بھی آگاہ کیا جائے گا۔