بھارتی پائلٹ ابھی نندن کو پاکستان نے بھارت کے حوالے کردیا .

بھارتی پائلٹ ابھی نندن کو پاکستان نے بھارت کے حوالے کردیا ہے۔ بھارتی پائلٹ کو واہگہ بارڈر پر بی ایس ایف حکام نے وصول کیا۔ابھی نندن کو سخت سیکورٹی میں واہگہ بارڈر لایا گیا۔ اس موقع پر اطراف کی سڑکیں بند کردی گئی تھیں۔ پاک فوج کے ساتھ رینجرز اور پولیس کے دستے راستے میں تعینات تھے۔ بھارتی سفارتخانے کے 4 اہلکار بھی واہگہ بارڈر پر موجود تھے جن میں جوائے تھامس کورینِ، اشوک کمارِ، ناریش کمار اور گورکھ شرما  شامل تھے۔بھارتی پائلٹ کی رہائی کے موقع پر بھارت نے اپنی سرحد پر پرچم اتارنے کی تقریب منسوخ کردی جبکہ پاکستان کی جانب سے تقریب معمول کے مطابق جاری رہی۔