پی ایس ایل فائنل،ڈیرن سیمی اور سرفراز احمد جیت کے لیے پرُعزم

پشاور زلمی کے کپتان ڈیرن سیمی نے کہا ہے کہ ان کی ٹیم نے ٹورنامنٹ میں عمدہ کارکردگی کا مظاہرہ کیا ہے، کوئٹہ گلیڈی ایٹرز کے کپتان سرفراز احمد کا کہنا ہے کہ میچ جیتنے کے لیے ٹاپ پلئیرز کی کارکردگی اہم ہوتی ہے۔کراچی کے نیشنل اسٹیڈیم میں میڈیا سے بات کرتے ہوئے پشاور زلمی کے کپتان ڈیرن سیمی نے کہا کہ ٹیم نے بہترین کھیل پیش کیا اور ہرمیچ میں بھرپورمقابلہ کیا۔ انھوں نے امید ظاہر کی کہ فائنل میچ میں بھی عمدہ کارکردگی کا مظاہرہ کرینگے۔

کوئٹہ گلیڈی ایٹرز کی کپتان سرفراز احمد نے کہا کہ کراچی کے شائقین نے تمام ٹیموں کی بھرپورحوصلہ افزائی کی، فائنل میچ میں عمدہ کارکردگی دکھانے کی کوشش کرینگے، شین واٹسن اہم کھلاڑی ہیں اور پورےٹورنامنٹ میں اچھا کھیلے، وہ ٹیم کو جتوانےکی پوری کوشش کریں گے۔ کوئٹہ گلیڈی ایٹرز کے کپتان نے کہا کہ میچ جیتنے کیلئے ٹاپ پلیئرز کی پرفارمنس اہم ہوتی ہے۔انھوں نے تسلیم کیا کہ باؤنڈری  بڑی  ہونے سے بالرزاوربیٹسمین دونوں خوش ہیں۔ سرفراز نے کہا کہ دونوں ٹیمیں مضبوط ہیں،بھرپور جذبے کے ساتھ میچ کھیلیں گے، جتنےکوالٹی بالرز پی ایس ایل میں ہیں شاید کہیں بھی نہیں۔