راہول گاندھی نے گڑگاؤں میں مسلمان خاندان پرظلم کا ذمہ دارحکمران جماعت کوقراردیدیا

بھارت میں اقلیتوں پرمظالم کیخلاف اپوزیشن جماعت کانگریس بھی بول اٹھی، راہول گاندھی نے گڑگاؤں میں مسلمان خاندان پرظلم کا ذمہ دارحکمران جماعت کوقراردیدیا، ٹوئٹرپیغام میں کہاکہ ایسے واقعات کے بھیانک نتائج نکلیں گے۔

بھارتی اپوزیشن جماعت کانگریس کے رہنما راھول گاندھی نے حکمران جماعت کوخبردارکردیا کہ سیاست مفادات کیلئے نفرت اورتعصب پھیلانا خطرناک حکمت عملی ہے ۔کانگریس سربراہ نے گڑگاؤں میں مسلمان خاندان پر تشدد کو قابل نفرت قراردیا اور اس واقعے کی ذمہ داری بی جے پی اورآرایس ایس پرعائد کردی ۔

راہول گاندھی کاکہناتھاکہ مودی کی جماعت نفرت کو پروان چڑھارہی ہے جس کے نتائج بھیانک بھی ہوسکتے ہیں۔واضح رہے کہ ریاست ہریانہ کے گڑگاؤں میں ہولی کے دن مسلمان خاندان کو گھرمیں گھس کر انتہاپسندوں نے بدترین تشددکانشانہ بنایاتھا واقعے کی ویڈیوسوشل میڈیا پروائرل ہوئی تھی ۔