وزیراعظم عمران خان اپریل میں نیا پاکستان ہاؤسنگ پراجیکٹ کا سنگ بنیاد رکھیں گے

وزیراعظم عمران خان اپریل کے دوسرے ہفتے میں نیا پاکستان ہاؤسنگ پراجیکٹ کا سنگ بنیاد رکھیں گے۔عمران خان کی زیرصدارت نیا پاکستان ہاؤسنگ پراجیکٹ کے متعلق جائزہ اجلاس ہوا ۔ جس میں وزیراعظم کو بریفنگ دی گئی کہ  قانون سازی کا کام مکمل کیا جا چکا ہے ۔

وزیراعظم کو بتایا گیا کہ مسودہ پارلیمنٹ سے منظوری کیلئے جلد کابینہ کمیٹی کے حوالے کردیا جائےگا ۔ اسلام آباد میں چار جبکہ لاہوراور کوئٹہ میں ایک ایک مقام سنگ بنیاد کیلئے تیار ہے۔وزیراعظم کا کہنا تھا کہ پچاس لاکھ گھروں کی تعمیر حکومت کی اولین ترجیح ہے۔۔ منصوبےسے معیشت مستحکم اور روزگارکے مواقع پیداہوں گے ۔