پاکستان میں زیر سمندر ایک تیل کا بڑا ذخیرہ موجود ہونے کا امکان

ایک سنیئر پاکستانی افسر نے گلف نیوز کو بتایا کہ پاکستان مستقبل میں تیل برآمد کرنے والا ملک بن سکتا ہے، چند دنوں پہلے وزیراعظم عمران خان نے اشارہ دیا تھا کہ پاکستان میں زیر سمندر ایک تیل کا بڑا ذخیرہ دریافت ہوسکتا ہے ۔پاکستانی افسر کے مطابق کراچی سے 230کلومیٹر دور پاک ایران باڈر کے قریب زیر سمندر تیل کے ذخائر موجود ہونے کا امکان ہے ۔انہوں نے کہا کہ ذخائر کی مقدار کا تعین کرنا قبل از وقت ہوگا لیکن امید ہے کہ پاکستان کے تیل کی ضروریات کو پورا کرنے کے لئے کافی ہوگا۔

وزیر پیٹرولیم کا کہنا تھا کہ کراچی سے 230کلومیٹر دور زیرِسمندر تیل کے بڑے ذخائر سے متعلق مثبت اشارے ملے ہیں تاہم ہم مزید تفصیل آئندہ ماہ پیش کریں گے ۔گزشتہ ہفتے وزیراعظم عمران خان نے کہا تھا کہ اگلے تین ہفتوں میں قوم کو ایک بڑی خوشخبری دیں گا۔پچھلے ہفتے سینئر صحافیوں سے ملاقات کے دوران وزیراعظم عمران خان نے کہا تھاکہ سمندرمیں تیل کی دریافت کا عمل اپنے آخری مراحل میں ہے جہاں تیل کے بڑے ذخائر کی دریافت متوقع ہے ۔