کراچی کے علاقے گلستانِ جوہر کے نجی اسپتال میں ڈ کیتی

کراچی کے علاقے گلستانِ جوہر کے نجی اسپتال میں 4 ڈاکو سیکورٹٰی گارڈ پر ٹوٹ پڑے اور ریسپشن سے نقدی لے اڑے۔ انھوں نے پہلے گارڈ کا سرپھاڑ دیا او پھر اس کے سر پر پٹیاں رکھتے رہے۔ واردات کی سی سی ٹی وی سماء نے حاصل کرلی۔

کراچی میں ڈاکوڈرامے بازی بھی کرنے لگے۔ نجی اسپتال میں لوٹ مار کرنے کے لئے داخل ہوئے تو ایک ساتھی کو مریض بناکر لائے،اندر داخل ہوتے ہی سیکیورٹی گارڈ پردھاوا بول دیا۔

گارڈ نے مزاحمت کی تو اسے زمین پر گرا کر پستول کے دستے سے وار کرکے اس کا سر پھاڑ دیا اور پھر خود ہی پٹی بھی کرتے رہے۔ ملزمان نے اسپتال کے ریسپشن سے نقدی چھینی اور فرار ہوگئے۔

اس سے قبل، فروری کے مہینے میں اس ہی اسپتال میں ڈکیتی کی واردات ہوئی تھی۔