کراچی میں گرمی کی شدت میں اضافہ , محکمہ موسمیات

محکمہ موسمیات نے پیش گوئی کی ہے کہ کراچی میں گرمی کی شدت میں اضافہ ہوتا رہے گا۔سماء سے بات کرتے ہوئے محکمہ موسمیات کے ڈائریکٹر عبدالرشید نے بتایا کہ کراچی میں رمضان میں بھی شدید گرمی ہوگی۔ ڈائریکٹر میٹ نے شہریوں کو مشورہ دیا کہ گرم موسم سے بچنے کے لیے ہر ممکن اقدامات کریں، ہلکے کپڑے پہنیں،پانی زیادہ پیئں، بغیر ضرورت دھوپ میں نہ نکلیں ، ضرورت کے تحت نکلیں تو سر ڈھانپ کر رکھیں۔انھوں نے واضح کیا کہ اپریل میں مارچ سے زیادہ گرم موسم ہوگا، مئی میں اپریل سے زیادہ گرم موسم ہوگا۔ ڈائریکٹر محکمہ موسمیات کا کہنا تھا کہ ہیٹ ویو کے امکانات ہوتے ہیں لیکن فی الحال نہیں ہیں۔ 7مئی سے5جون تک کا عرصہ گرم ترین ہوگا۔