کراچی کنگز نےلاہور قلندرز کو 5 وکٹ سے شکست دے دی

پاکستان سپر لیگ 4 کے میچ میں کراچی کنگز نے افتخار احمد کی جارحانہ بیٹنگ کی بدولت لاہور قلندرز کو 5 وکٹ سے شکست دے دی۔پاکستان سپر لیگ 4 کے 20 ویں میچ میں کراچی کنگز نے ٹاس جیت کر فیلڈنگ کا فیصلہ کیا تھا، لاہور قلندرز کی ٹیم مقررہ 20 اوورز میں 5 وکٹوں کے نقصان پر محض 133 رنز ہی بناسکی تھی۔

کراچی کنگز نے شروع سے ہی محتاط انداز میں بیٹنگ کی اور 19 ویں اوور کی پہلی گیند پر 134 رنز کا ہدف 5 وکٹوں پر پورا کرلیا، لیام لیونگ اسٹون 38 رنز بنا کر ٹاپ اسکورر رہے، افتخار احمد نے 33 رنز کی ناقابل شکست اننگز کھیلی جس میں 2 چھکے اور 2 چوکے شامل تھے، عماد وسیم بھی 19 رنز بنا کر ناٹ آؤٹ رہے۔