سندھ فوڈ اتھارٹی کا کراچی کے علاقے نارتھ ناظم آباد میں چھاپہ 3 بیکریاں سیل

سندھ فوڈ اتھارٹی نے کراچی کے علاقے نارتھ  ناظم آباد میں چھاپے مار کر 3 بیکریوں کو سیل کردیا، زائد المعیاد چیزیں ملنے پر مشہور مارٹ پر 50 ہزار روپے جرمانہ عائد کیا گیا ہے۔کراچی کے ڈسٹرکٹ سینٹرل میں سندھ فوڈ اتھارٹی کے چھاپے جاری ہیں۔ نارتھ ناظم آباد بلاک ایم اور ایل میں کارروائیوں کے دوران 3 بیکریوں کو سیل کردیا گیا۔ بیکریوں پر1لاکھ 20 ہزار روپے کا جرمانہ بھی عائد کیا گیا۔فوڈ اتھارٹی کو بیکریوں پر صفائی کی ناقص صورتحال دیکھنے کو ملی۔ بیکریوں میں  ممنوعہ کیمیکل،کیڑے اوربلیاں بھی پائی گئیں۔

اس کے علاوہ نارتھ ناظم آباد میں مارٹ پر50ہزارروپے کا جرمانہ عائد کیا گیا۔ مارٹ سے زائد المعیاد اشیاء برآمد کی گئی۔ڈسٹرکٹ سینٹرل میں کھلا تیل استعمال کرنے پر مشہور پکوان پر 10 ہزار روپے جرمانہ بھی عائد کیا گیا۔