پاکستان سمیت دنیا بھر میں یوم یکجہتی کشمیر بھرپور جوش و جذبے سے منایا جارہا ہے

پانچ فروری، عزم اور پختہ عہد کا دن کہ ہم آزادی کی منزل ملنے تک کشمیریوں کو تنہا نہیں چھوڑیں گے۔ پاکستان سمیت دنیا بھر میں یوم یکجہتی کشمیر بھرپور جوش و جذبے سے منایا جارہا ہے۔ حریت رہنماؤں کا کہنا ہے کہ موجودہ حالات پاکستانیوں سے مزید آگے بڑھ کر جدوجہد کرنے کا تقاضا کررہے ہیں۔پاکستان سمیت دنیا بھر میں آج یوم یکجہتی کشمیر منایا جا رہا ہے۔ کشمیریوں سے اظہار یکجہتی کے لیے ریلیاں اور تقریبات منعقد کی جائیں گی، مقبوضہ کشمیر میں بھارتی مظالم پر احتجاج بھی کیا جائے گا۔ اس دن کی مناسبت سے کراچی سے کشمیر تک سیاسی اور مذہبی جماعتوں کے زیر اہتمام خصوصی سیمینارز، کانفرنسز اور جلسے منعقد کیے جا رہے ہیں۔ شہر شہر ریلیاں نکالنے کے علا وہ انسانی ہاتھوں کی زنجیریں بنائی جائیں گی۔ شہدائے کشمیر کو خراج عقیدت پیش کرنے کے لیے ایک منٹ کی مکمل خاموشی اختیار کی  گئی۔