پاک بھارت کشیدگی کے باعث ملک بھر کے ایئرپورٹس پر پروازوں کا شیڈول تبدیل

پاک بھارت کشیدگی کے باعث ملک بھر کے ایئرپورٹس پر پروازوں کا شیڈول جمعے کی دوپہر ایک بجے تک ملتوی کردیا گیا ہے۔ترجمان پی آئی اے نے کراچی سے سعودیہ عرب اور یو اے ای کے لئے جزوی پروازوں کے شیڈول کا اعلان کیا ہے۔دو پروازیں سعودیہ عرب اور دو پروازیں یو اے ای کے لئے روانہ ہونی تھیں لیکن ایک بار پھر سیکیورٹی اداروں کی ہائی الرٹ کال پر جزوی پروازوں کا شیڈول کا اعلان واپس لے لیا گیا۔سیکیورٹی ذرائع کے مطابق ایئر اسپیس کی بحالی کا فیصلہ جمعے کی دوپہر ایک بجے تک ہوگا۔