بھارت کا یوٹیوب سے اپنے پائلٹ کی 11ویڈیو لنکس ہٹانے کا مطالبہ

بھارت کی وزارتِ آئی ٹی نے ونگ کمانڈر ابھی نندن ورٹھمان  کے یوٹیوب پر موجود 11ویڈیو لنکس کو ہٹانے کامطالبہ کر دیا ہے۔بھارتی سرکاری ذرائع کے مطابق وزارتِ داخلہ کی ہدایات پر یوٹیوب سے ان کلپس کو ہٹانے کا مطالبہ کیا گیا جو اب ہٹا دیے گئے ہیں۔گوگل کے ترجمان کا کہنا تھا کمپنی جائز قانونی درخواستوں پر جہاں ممکن ہو عمل کرتی ہے اور مواد فوری ہٹاتی ہے۔واضح رہے بدھ کوپاکستان فضائیہ نے 2 بھارتی طیارے مار گرائے تھے۔جس کے نتیجے میں دو پائلٹس جاں بحق جبکہ ایک پائلٹ ابھی نندن کو پاکستانی فوج نے گرفتار کرلیا تھا۔