ڈی جے براوو کے نئے گانے میں آفریدی کی دھوم

ویسٹ انڈین آل راؤنڈر کرکٹر ڈُوین جان براوو موسیقی سے بھی بڑا گہرا لگاؤ رکھتے ہیں، ان کا گایا ہوا گیت ‘چیمپئن’ آج بھی بہت مقبول ہے۔

ڈی جے براوو نے اپنے نئے گانے ‘ایشیا’ میں شاہد آفریدی، ویرات کوہلی، مہندرا سنگھ دھونی، کمار سنگاکارا، مہیلا جے وردھنے، شکیب الحسن اور راشد خان کا ذکر کیا ہے۔ ویڈیو میں ان اسٹارز کی جھلک بھی نظر آتی ہے۔سماجی رابطوں کی ویب سائٹ پر ویڈیو شیئر کرتے ہوئے شاہد آفریدی نے کہا ہے کہ ڈُوین براوو نے ایک بہترین کوشش کی ہے۔ امید ہے کہ نیا گانا چیمپئن سے بھی زیادہ مقبول ہوگا۔