شائقین کرکٹ کا انتظار ختم، پاکستان سپر لیگ کے چوتھے سیزن کا باقاعدہ آغاز

دبئی: شائقین کرکٹ کا انتظار ختم، پاکستان سپر لیگ کے چوتھے سیزن کا باقاعدہ آغاز دبئی میں ہونے والی رنگا رنگ افتتاحی تقریب کے ذریعے کردیا گیا۔تفصیلات کے مطابق دبئی کے کرکٹ اسٹیڈیم میں پاکستان سپر لیگ کے چوتھے سیزن کی افتتاحی تقریب ہوئی جس میں جنون گروپ، آئمہ بیگ، فواد خان اور بونی ایم گروپ سمیت دیگر فنکار نے شاندار پرفارمنس کا مظاہرہ کیا۔

اس موقع پر پاکستان کرکٹ بورڈ کے چیئرمین احسان مانی نے خوشی کا اظہار کرتے ہوئے تمام اسپانسرز اور فرینچائزز کا شکریہ ادا کیا۔اس تقریب میں پاکستان کے سابق صدر جنرل ریٹائرڈ پرویز مشرف نے بھی شرکت کی۔افتتاحی تقریب کے موقع پر دبئی کے اسٹیڈیم میں شاندار آتش بازی کا مظاہرہ کیا گیا، ساتھ ہی فواد خان نے پی ایس ایل 4 کے ترانے پر پرفارم کرکے حاضرین اور ناظرین کو بھی خوب محظوظ کیا