شارجہ: پاکستان سپر لیگ سیزن فور کے دسویں میچ میں لاہور قلندرز نے سنسنی خیز مقابلے بعد ملتان سلطانز کو 6 وکٹوں سے شکست دے دی۔تفصیلات کے مطابق لاہور قلندرز نے ملتان سلطانز کی جانب سے دیا گیا 201 رنز کا ہدف میچ کی آخری گیند پر حاصل کیا۔ملتان نے لاہور کی دعوت پر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 200 رنز اسکور کئے تھے۔
اوپنر جیمز وِنس نے 84 جبکہ عمر صدیق نے 53 رنز اسکور کئے تھے، لاہور کی جانب سے لمیچانے نے 3 وکٹیں حاصل کی تھیں۔جواب میں لاہور کے بلے بازوں نے بھی اپنی آستینیں چڑھاتے ہوئے کمال کھیل کا مظاہرہ کیا اور انتہائی سنسنی خیز مقابلے کے بعد میچ کو اپنے نام کیا۔لاہور کی جانب سے فخر زمان نے 63 جبکہ کپتان اے بی ڈی ویلیئرز اور ڈیوڈ ویزے نے بالترتیب شاندار اور ناقابل شکست 52 اور 45 رنز کی اننگز کھیلیں۔
ملتان سلطانز کی جانب سے جنید خان نے 3 جبکہ محمد الیاس نے ایک وکٹ حاصل کی۔آخری گیند پر جیت کیلئے 3 رنز درکار تھے، اس موقع پر ڈیوڈ ویزے نے شاندار چھکا لگا کر اپنی ٹیم کو فتح سے ہمکنار کروایا۔
No comments: