دبئی: پاکستان سپر لیگ سیزن فورکے تیسرے میچ میں پشاور زلمی نے کوئٹہ گلیڈی ایٹرز کو جیت کیلئے 156 رنز کا ہدف دے دیا۔تفصیلات کے مطابق دبئی میں کھیلے جارہے میچ کا ٹاس کوئٹہ کے کپتان سرفراز احمد نے جیتا اور پہلے پشاور کو بیٹنگ کی دعوت دی۔کوئٹہ کے گیند بازوں نے ابتدا سے ہی زلمی بلے بازوں کو باندھ کر رکھا تاہم اختتامی اوورز میں مصباح الحق کے لاٹھی چارج کے باعث پشاور کی ٹیم ڈیڑھ سو کا ہندسہ عبور کرنے میں کامیاب رہی۔
پشاور نے مقررہ اوورز میں 4 وکٹوں کے نقصان پر155 رنز اسکور کئے۔مصباح الحق نے ناقابل شکست 49 جبکہ کامران اکمل نے بھی 49 رنز اسکور کئے، اس کے علاوہ صہیب مقصود نے 26 اور لیئم ڈوسن نے 21 رنزاسکور کئے۔کوئٹہ کی جانب سے محمد نواز نے 2 جبکہ عرفان اور غلام مدثر نے ایک ایک وکٹ حاصل کی۔
No comments: