بھارت میں عام انتخابات کا آغاز آج سے شروع

نئی دہلی :بھارت میں عام انتخابات کا آغاز ہوگیا،پہلے مرحلے کیلئے 20ریاستوں میں پولنگ شروع ہوگئی ،انتخابات 7مرحلوں میں انیس مئی تک ہوں گے۔بھارت میں اگلی سرکار کسی کی ہوگی،مودی کو ایک بار پھر جیت ملے گی یا کانگریس بازی لے جائے گی،عام انتخابات کیلئے پہلے مرحلے میں 20ریاستوں کے 91حلقوں میں ووٹنگ جاری ہے۔آندھرا پردیش، ارونچل پردیش، آسام، بہار، چتھیس گڑھ، مہاراشٹرا،اترپردیش، اترکھنڈ اور مغربی بنگال سمیت مختلف ریاستوں کے عوام اپنا حق رائے دہی استعمال کررہے ہیں۔لوک سبھا کی 543نشستوں کیلئے سات مراحل میں ووٹنگ ہوگی،دوسرا مرحلہ 18 اپریل ، تیسرا 23 اپریل چوتھا 29 اپریل کو ہوگا، پانچواں مرحلہ 6مئی، چھٹا 12 مئی اور ساتواں 19مئی کو ہوگاجبکہ نتائج کا اعلان 23مئی کو کیا جائے گا۔