نومولود کی لاش قبر سے غائب

لاہور میں نشے کی عادی ملزم نے ایک روز قبل دفنائے گئے نومولود کی لاش قبر سے کھود کرنکالی اور اپنا بچہ کہہ کر سڑکوں پر بھیک مانگتا رہا ۔لاہور کے علاقے بادامی باغ میں پیش آنے والے واقعے نے سب کے دل دہلادیئے، نشے کی لت میں ملزم نے بے حسی کی تمام حدیں پار کردیں ، نومولود کی میت قبر کھود کر نکالی اور اسے اپنا بچہ قرار دے کر بھیک مانگتا رہا ۔دوسرے روز بچے کے ورثاء فاتحہ خوانی کے لئے گئے تو قبر کھدی ہوئی اور میت غائب تھی ۔پولیس نے تلاش شروع کی تو ایک نوجوان میت اٹھائے بھیک مانگتا پکڑا گیا۔پولیس نے ملزم کے خلاف مقدمہ درج کرکے تفتیش شروع کردی ہے ،ملزم بیگم کوٹ کا رہائشی ہے ۔