کوئٹہ کے علاقے ہزارگنجی میں سبزی منڈی میں دھماکے کے نتیجے میں 2بچوں سمیت 16 افراد جاں بحق اور30سے زائد زخمی

کوئٹہ :کوئٹہ کے علاقے ہزارگنجی میں سبزی منڈی میں دھماکے کے نتیجے میں 2بچوں سمیت 16 افراد جاں بحق اور30سے زائد زخمی ہوگئے۔تفصیلات کے مطابق، جمعے کو کوئٹہ کے علاقے ہزارگنجی میں سبزی منڈی میں بم دھماکا ہوا ہے،جس کے نتیجے میں 16افراد جاں بحق اور 30سے زائد زخمی ہوگئے،جاں بحق ہونے والوں میں 2 بچے بھی شامل ہیں۔کوئٹہ ایک بارپھردھماکے سے گونج اٹھا،دہشتگردوں نے ہزارگنجی کی سبزی منڈی کو اس وقت نشانہ بنایا جب الصبح لوگ خریداری میں مصروف تھے۔دھماکا اتنا زوردار تھا کہ اطراف کی عمارتوں کے شیشے ٹوٹ گئے،دھماکے کے بعد سبزی منڈی میں بھگدڑ مچ گئی،لوگ اپنے عزیزوں کی تلاش کرتے رہے۔

دھماکے کے بعد ریسکیوحکام اور سیکیورٹی فورسز علاقے میں پہنچی اور زخمیوں کوشیخ زیداسپتال اوربولان میڈیکل کمپلیکس  منتقل کیا۔بم ڈسپوزل اسکواڈ کے مطابق ریموٹ کنٹرول دھماکا خیز مواد سبزی کی بوری میں چھپایا گیا تھا اور دھماکے میں 8سے 10کلوگرام بارود استعمال کیا گیا۔سیکیورٹی فورسز نے علاقے کو گھیرے میں لےکر ملزمان کی تلاش شروع کردی ہے۔