پاکستان فارما سیوٹیکل ایسوسی ایشن نے 17 گھنٹوں کے اندر ادویات کی قیمتوں میں اضافہ واپس لینے کا اعلان کر دیا۔وفاقی وزیر عامر کیانی کہتے ہیں قیمتوں میں غیر قانونی اضافہ کرنے والی کمپنیوں کے خلاف کریک ڈاؤن میں تیزی اور اس کا دائرہ کار پورے ملک میں بڑھایا جائے۔ وفاقی وزیر صحت عامر محمود کیانی کی زیر صدارت ڈرگ ریگولیٹری اتھارٹی اور پاکستان فارما سیوٹیکل ایسوسی ایشن کے عہدیداران کا اجلاس اسلام آباد میں ہوا۔چیئرمین پی پی ایم اے نے وزیر صحت سے اس عزم کا اظہار کیا ہے جن ادویہ ساز کمپنیوں نے غیر قانونی طور پر قیمتوں میں اضافہ کیا ہے 72 گھنٹے کے اندر ادویات کی قیمتوں میں اضافہ واپس لیا جائے گا اور جن 395 ادویات میں حکومت نے کمی کانوٹیفکیشن کیا تھا ان ادویات کی قیمتیں فوری کم کی جائیں گی اور عوام کو ریلیف دیا جائے گا۔انھوں نے کہا کہ ایسے عناصر کے خلاف ہم حکومت کے شانہ بشانہ کھڑے ہیں۔ اس موقع پر وزیر صحت عامر کیانی نے ڈرگ ریگولیٹری اتھارٹی کو ہدایت کی ہے قیمتوں میں غیر قانونی اضافہ کرنے والی کمپنیوں کے خلاف کریک ڈاؤن میں تیزی لائی جائے اور خلاف ورزی کرنے والی کمپنیوں کے خلاف سخت سے سخت کارروائی کی جائے اور اس کا دائرہ کار پورے ملک میں بڑھایا جائے۔
No comments: