کرائسٹ چرچ سانحہ ،سید اریب کی نماز جنازہ پیر کو فیڈرل بی ایریا کے سنگم گراؤنڈ میں ادا کردی گئی۔

نیوزی لینڈ کے شہر کرائسٹ چرچ کے مساجد پر حملے میں شہید ہونے والے کراچی کے نوجوان سید اریب کی نماز جنازہ پیر کو فیڈرل بی ایریا کے سنگم گراؤنڈ میں ادا کردی گئی۔ نماز جنازہ سے قبل مختلف سیاسی جماعتوں کے کارکنان نے گراؤنڈ کے اطراف میں اپنے اپنے جھنڈے لگائے جس کے باعث نماز جنازہ سیاسی جلسے کا منظر پیش کرنے لگا۔ 15 مارچ کو نیوزی لینڈ کے شہر کرائسٹ چرچ میں مسجد پر دہشت گرد کی فائرنگ کے نتیجے میں 50 افراد شہید اور 48 زخمی ہوگئے تھے۔ شہدا میں 9 پاکستانی بھی شامل تھے جن میں سے 8 کی تدفین نیوزی لینڈ میں ہی کی گئی ہے۔