عدالت نے نقیب اللہ قتل کیس میں سابق ایس ایس پی راﺅ انوار سمیت دیگر ملزمان پر فرد جرم عائد کر دی

انسداد دہشتگردی عدالت نے نقیب اللہ قتل کیس میں سابق ایس ایس پی راﺅ انوار سمیت دیگر ملزمان پر فرد جرم عائد کر دی۔کراچی کی انسداد دہشتگردی عدالت میں نقیب اللہ قتل کیس کی سماعت کے دوران اہم پیشرفت سامنے آئی ہے۔ عدالت نے ملزمان پر فرد جرم عائد کردی تاہم تمام ملزمان نے صحت جرم سے انکارکردیا ہے۔

عدالت نے کیس کی سماعت 11 اپریل تک ملتوی کرتے ہوئے تمام گواہوں کو آئندہ سماعت پر طلب کرلیا ہے۔عدالت نے نقیب اللہ کے والد اور جوڈیشل مجسٹریٹ کو بھی طلب کرلیا۔یاد رہے کہ نقیب اللہ نامی نوجوان کو 13 جنوری 2018 میں جعلی پولیس مقابلے کے دوران قتل کردیا گیا تھا۔ کیس میں 13پولیس اہلکار گرفتار ہیں جبکہ سابق ایس ایس پی ملیر راؤ انوار سمیت 5 ملزمان ضمانت پررہا ہیں۔