ایم کیو ایم پاکستان کے رہنما خواجہ اظہار الحسن ٹول پلازہ پہ گاڑی کے حادثے میں شدید زخمی ہوگئے

ایم کیو ایم پاکستان کے رہنما خواجہ اظہار الحسن ٹول پلازہ کے قریب گاڑی کے حادثے میں شدید زخمی ہوگئے۔ حادثے میں ان کے ہمراہ موجود محافظ بھی زخمی ہوئے۔ وہ گھوٹکی عمران خان سے ملاقات کیلئے گئے تھے۔حادثے کے فورا بعد خواجہ اظہار الحسن کو اسٹیڈیم روڈ پر واقع آغا خان اسپتال منتقل کر دیا گیا ہے۔ اسپتال انتظامیہ کے مطابق خواجہ اظہار کے سر اور جسم کے دیگر حصوں پر چوٹیں آئیں، تاہم ان کی حالت خطرے سے باہر ہے۔ خواجہ اظہار کے زخمی ہونے والے محافظوں میں سے دو کی حالت تشویش ناک ہے۔

حادثے کی اطلاع ملتے ہی ایم کیوایم رہنما عامر خان، فیصل سبزواری اور کارکن بھی اسپتال پہنچ گئے، جہاں انہوں نے زخمی رہنما کی عیادت کی۔ خواجہ اظہار الحسن کے ہمراہ گاڑی میں رہنما ایم کیو ایم سنجے پروانی بھی موجود تھے۔میڈیا سے گفت گو میں ایم کیو ایم پاکستان کے رہنما فیصل سبزواری کا کہنا ہے کہ ٹول پلازہ کے قریب رہنما خواجہ اظہار الحسن کی گاڑی کو حادثہ پیش آیا۔ حادثے میں خواجہ اظہار اور تین گن مین زخمی ہوئے ہیں، جب کہ خواجہ اظہار الحسن کی حالت خطرے سے باہر ہے۔