کرائسٹ چرچ سانحے میں شہید ہونیوالے طلحہ نعیم کی مئی میں شادی طے تھی

کرائسٹ چرچ سانحے میں شہید ہونیوالے طلحہ نعیم کی چند ہفتوں قبل ملازمت ہوئی تھی اور مئی میں شادی طے تھی۔کرائسٹ چرچ حملے میں شہید طلحہ نعیم 11 سال کی عمر میں والد کے ساتھ نیوزی لینڈ گئے تھے، نعیم راشد کے بیٹوں میں طلحہ سب سے بڑے تھے جو جمعہ کی نماز پڑھنے والد کے ساتھ النور مسجد گئے تھے۔ایبٹ آباد کی رہائشی نعیم کی پھوپھی زاد بہن آمنہ سردار نے بتایا کہ کچھ ہفتے قبل طلحہ کی ملازمت ہوئی تھی اور مئی میں ان کی پاکستان میں شادی ہونا تھی۔