حج اور عمرے کے ویزے آن لائن حاصل کئے جاسکیں گے

حج و عمرہ مشترکہ ویب سائٹ کے نگران اعلیٰ عبدالرحمن شمس نے کہا ہے کہ اب سفارتخانے جائے بغیر حج اور عمرے کے ویزے آن لائن چند لمحوں میں حاصل کئے جاسکیں گے۔مکہ مکرمہ میں میڈیا سے گفتگو کرتے ہوئے انہوں نے بتایا کہ آئندہ جو لوگ بیرون مملکت سے حج اور عمرے پر آنا چاہیں گے وہ اپنے یہاں حج و عمرہ امور کی ایجنسیوں سے رابطہ کرکے باآسانی ویزے حاصل کرسکیں گے۔

انہیں پاسپورٹ سفارتخانوں میں جمع کرانے کی ضرورت نہیں ہوگی، حج اور عمرے کے ویزے آن لائن جاری کئے جائیں گے اور انہیں پسندیدہ پیکیج بھی لمحوں میں مل جائے گا۔