ولیس اہلکار کھلی بدمعاشی اور وردی کا غیرقانونی استعمال کرنے لگے

کراچی میں فلٹر پلانٹ کا مالک فری میں پانی دیتے دیتے تھک گیا، بالآخر اس نے مفت پانی لینے والے اہلکاروں کی ویڈیو بناکر وائرل کردی۔کراچی میں سچل اور سہراب گوٹھ پولیس اہلکار کھلی بدمعاشی اور وردی کا غیرقانونی استعمال کرنے لگے، پولیس اہلکار واٹر پلانٹ سے روزانہ مفت میں پانی لے جاتے تھے ۔

فلٹر پلانٹ کے مالک کا صبر ختم ہوا تو اس نے مفت پانی لینے والے اہلکاروں کی ویڈیو بناکر وائرل کردی، ویڈیو میں دیکھا جاسکتا ہے کہ پولیس اہلکار کہتا ہے سچل تھانے کی موبائل ہے، دفتر کیلئے پانی لینا ہے۔واٹرپلانٹ کے مالک نے کہا کہ پیسے دو اور منرل واٹر لے جاؤ، جس پر پولیس اہلکار نے جواب دیا کہ ہم پیسے دیتے نہیں لیتے ہیں، لگتا ہے تم علاقے میں نئے نئے آئے ہو۔فلٹرپلانٹ کے مالک عمید کا پولیس اہلکارکو پانی دینے سے انکار کرکے اعلی حکام سے نوٹس لینے کی مطالبہ بھی کردیا ، فلٹرپلانٹ کے مالک نے بتایا کہ پولیس اہلکار مفت پانی لے جاتے تھے۔

ایس ایس پی ملیرعرفان بہادر نے سماء کی خبر پرایکشن لیتے ہوئے مفت منرل واٹر مانگنے والے اہلکاروں کو معطل کرنے کا فیصلہ کرلیا انہوں نے کہا کہ تمام اہلکاروں کیخلاف کارروائی کی جائے گی۔