احتساب عدالت : خواجہ سعد رفیق اور سلمان رفیق کے جوڈیشل ریمانڈ میں 4 اپریل تک توسیع

لاہور کی احتساب عدالت نے سابق وزیر ریلوے خواجہ سعد رفیق اور سلمان رفیق کے جوڈیشل ریمانڈ میں 4 اپریل تک توسیع کر دی۔پیراگون ہاؤسنگ کیس میں گرفتار خواجہ سلمان رفیق کو 19 مارچ کو ریمانڈ کی مدت ختم ہونے پر عدالت میں پیش کیا گیا جبکہ ن لیگ کے رکن قومی اسمبلی خواجہ سعد رفیق اسٹینڈنگ کمیٹی کے اجلاس کے باعث اسلام آباد میں موجود ہیں۔

عدالت نے سیاستدانوں کی پیشی پر سڑکوں پر رکاوٹیں لگانے کا نوٹس لیتے ہوئے سیکیورٹی حکام کو آئندہ سے سڑکیں بند کرنے سے منع کر دیا۔گزشتہ سال 11 دسمبر کو احتساب عدالت نے خواجہ سعد رفیق اور ان کے بھائی سلمان رفیق کی عبوری ضمانت کی درخواست خارج کردی تھی جس کے بعد نیب نے دونوں بھائیوں کو حراست میں لے لیا تھا۔