دادو کے قریب انڈس ہائی وے پر مسافر کوچ اور مزدا کے درمیان تصادم , 4 مسافر جاں بحق 11 زخمی

دادو کے قریب انڈس ہائی وے پر مسافر کوچ اور مزدا کے درمیان تصادم کے نتیجے میں 4 مسافر جاں بحق جبکہ 11 زخمی ہوگئے۔پولیس کے مطابق حادثہ تیز رفتاری کے باعث پیش آیا،لاڑکانہ سے کراچی آنےوالی مسافرکوچ  تیز رفتاری کے باعث مزدا سے ٹکراگئی،حادثے میں 4 مسافر جاں بحق ہوگئے جبکہ 11 مسافر زخمی ہوئے۔زخمیوں میں 2 خواتین اور 3  بچے بھی شامل ہیں، 3 مسافروں کو تشویشناک حالت میں نوابشاہ اسپتال منتقل کردیاگیا جبکہ باقی تمام مسافروں کی حالت خطرے سے باہر بتائی جارہی ہے۔واقعے کے بعد کوچ اور مزدا کے ڈرائیور جائے حادثہ سے فرار ہوگئے۔