وزیراعظم عمران خان ایک روزہ دورے پر دبئی روانہ ہو گئے ہیں

اسلام آباد: وزیراعظم عمران خان ایک روزہ دورے پر دبئی روانہ ہو گئے ہیں، جہاں ان کی ملاقات آئی ایم ایف کی سربراہ کرسٹین لگارڈ سے ہوگی۔تفصیلات کے مطابق وزیراعظم آئی ایم ایف کی سربراہ کو پاکستان کے معاشی روڈ میپ سے آگاہ کریں گے، ملاقات سے پاکستان اور آئی ایم ایف کو ایک دوسرے کا نکتہ نظر سمجھنے میں مدد ملے گی۔

وزیر اعظم کا کہنا ہے کہ پاکستان اتفاقِ رائے سے آئی ایم ایف سے بیل آؤٹ پیکج چاہتا ہے۔وزیراعظم کو دورے کی دعوت شیخ محمد بن راشد المکتوم نے دی ہے، وزیراعظم ورلڈ گورنمنٹ سمٹ کے اجلاس میں شرکت کریں گے۔عمران خان اجلاس کے شرکا کو پاکستان میں سرمایہ کاری کے مواقع سے آگاہ کریں گے، وہ اپنی حکومت کے وژن پر بھی گفتگو کریں گے۔وزیراعظم عمران خان کے ساتھ وزیر خزانہ اسد عمر اور دیگر وزرا بھی یو اے ای کا دورہ کریں گے۔