وزیراعلیٰ پنجاب عثمان بزدار عمرہ کی ادائیگی کیلئے سعودی عرب روانہ ہوگئے

لاہور:وزیراعلیٰ پنجاب عثمان بزدار عمرہ کی ادائیگی کیلئے سعودی عرب روانہ ہوگئے۔تفصیلات کے مطابق ،ہفتے کو وزیراعلیٰ پنجاب عمرے کی ادائیگی کیلئے سعودی عرب روانہ ہوگئے، عثمان بزدار سعودی عرب میں 7 روز تک قیام کریں گے۔اس سے قبل آج صبح وزیراعلیٰ پنجاب عثمان بزدار بغیر پروٹوکول علامہ اقبال انٹرنیشنل ایئرپورٹ پہنچے ،انہوں نے قطار میں کھڑے ہوکربورڈنگ کارڈ لیا، مسافروں نے وزیراعلیٰ عثمان بزدار سے مصافحہ کیا۔ذرائع کے مطابق سعودی عرب میں قیام کے دوران وزیراعلیٰ پنجاب کا سعودی قیادت سے ملاقاتوں کا بھی امکان ہے۔

وزیراعلیٰ پنجاب سردار عثمان بزدار 7 روزہ دورہ مکمل کرکے 15 فروری کو وطن واپس پہنچیں گے۔