مشعا ل ملک نے پاکستانی عوام کا مظلوم کشمیریوں سے غیر مشروط اور بے پناہ حمایت کا مظاہرہ کرنے پر شکریہ ادا کیا۔

جموں و کشمیر لبریشن فرنٹ کی چیئرمین یاسین ملک کی اہلیہ مشعال ملک نے کہا ہے کہ پاکستانی عوام کا مظلوم کشمیریوں سے غیر مشروط اور بے پناہ حمایت کا مظاہرہ کرنے پر شکریہ ادا کیا۔انہوں نے کہا کہ اس سے ہمارے حوصلے بلند ہوں گے اور ہمیں کشمیر پر قبضے اور بھارتی مظالم کے خلاف خلاف لڑنے میں ہمت ملے گی۔ان کا کہنا تھا کہ ایک دن ایسا آئے گا جب مقبوضہ کشمیر میں آزادی کی ہوا چاروں طرف ہوگی اور ہم سے ہمارے حق کا کیا گیا وعدہ وفا ہوگا، اقوام متحدہ کی قرارداد کے تحت ہمارا قانونی حق ہمیں فراہم کیا جائے جیسے ددنیا کے ہر انسان کو عزت، وقار اور آزادی کا حق حاصل ہے۔انہوں نے ویڈیو پیغام میں کہا کہ پاکستانی قوم کی جمہوری آواز سے پوری دنیا کو ہماری تحریک کا پیغام پہنچ رہا ہے۔مشعال ملک نے کہا کہ پاکستان کے سب طبقے کشمیری عوام کا درد سمجھتے ہیں، تمام کاروباری افراد ایک دن ہمارے لیے نقصان اٹھاتے ہیں، بچے اسکول نہیں جاتے بلکہ سڑکوں پر ہمارے لیے احتجاج کرتے ہیں۔ان کا کہنا تھا کہ ڈاکٹرز، انجینئرز اور میڈیا کے افراد بھی مظلوم کشمیریوں پر بھارتی ظلم کے خلاف غم و غصے کا اظہار کر رہے ہیں۔