نوازشریف کو آج کوٹ لکھپت جیل سے جناح اسپتال منتقل کیاجائےگا

لاہور:سابق وزیراعظم نوازشریف کو آج کوٹ لکھپت جیل سے جناح اسپتال منتقل کیاجائےگا،محکمہ داخلہ پنجاب نے نوٹیفکیشن جاری کردیا۔تفصیلات کے مطابق ، جمعے کو محکمہ داخلہ پنجاب نے کوٹ لکھپت جیل میں قید نواز شریف کو جناح اسپتال منتقل کرنے کا نوٹیفکیشن  جاری کر دیا ، انہیں آج جناح اسپتال منتقل کیا جائے گا۔

اسپتال انتظامیہ نے تمام تر تیاریاں مکمل کرلیں ہیں اور نواز شریف کے علاج کیلئے پرائیویٹ بلاک میں 5نمبر کمرہ تیار کر لیا گیا ہے، اسپتال کےمتعلقہ کمروں کوسب جیل کادرجہ دیاجائےگا جبکہ ان کے وارڈ کے باہر جیل عملہ تعینات ہوگا۔نوازشریف کی سیکیورٹی کیلئے انتہائی سخت انتظامات کئے گئے ہیں، داخلی گیٹ سے پرائیوٹ روم تک سیکیورٹی سخت کردی گئی۔

پروفیسرعارف تجمل کا کہنا ہے کہ اسپتال میں ہرعلاج کی سہولت ہے،چیک اپ سے پہلےکچھ کہناقبل ازوقت ہے، کارڈیالوجی کی سہولت ہےاوراچھےپروفیسرزہیں۔