نقل سے روکنے پر نو یں جماعت کے طالب علم نے استاد پرخنجر سے حملہ کردیا

وفاقی تعلیمی بورڈ کے امتحانی سینٹرز میں ناقص سیکیورٹی انتظامات کا انکشاف ہوا ہے جہاں دوران امتحان نویں جماعت کے طالب علم نے نقل پکڑنے پرڈپٹی سپرنٹنڈنٹ پرخنجرسے وار کردیا ۔اساتذہ کی جانب سے واقعہ پر اندراج مقدمہ کیلئے تھانہ بنی گالہ میں درخواست دے دی گئی تاہم ملزم تاحال گرفتار نہ ہوسکا۔وفاقی تعلیمی بورڈ کے ڈپٹی سپرنٹنڈنٹ محمد رمضان امتحانی سینٹر ماڈل کالج فار بوائز  اسلام آباد میں ڈیوٹی کررہے تھے۔کالج کے اساتذہ نے مطالبہ کیا ہے کہ ملزم کیخلاف فوری کارروائی نہ کی گئی تو احتجاج کیا جائے گا۔واضح رہے کہ تقریبا ملک بھر میں ان دنوں میٹرک کے امتحانات کا سلسلہ جاری ہے تاہم بیشتر امتحانی مراکز سے نقل کی شکایات موصول ہورہی ہیں ۔