دین کے علاقے موجھرکے قریب تیزرفتارمسافر کوچ الٹنے سے 8افراد جاں بحق

بدین :بدین کے علاقے موجھرکے قریب تیزرفتارمسافر کوچ الٹنے سے 8افراد جاں بحق جبکہ 44زخمی ہوگئے۔تفصیلات کے مطابق، جمعے کو بدین میں خوفناک ٹریفک حادثہ پیش آیا،موجھر کے قریب تیزرفتار مسافر کوچ بےقابوہوکرالٹ گئی۔کوچ میں سوار 8افراد جان سے گئے  جبکہ حادثے میں 44افراد زخمی بھی ہوئے،جاں بحق افراد میں ایک بچہ اور 2خواتین بھی شامل ہیں۔اطلاع ملنے پرامدادی ٹیمیں جائے وقوع پر پہنچی اور زخمیوں کوانڈس  اسپتال منتقل کیا  جہاں ڈاکٹرزکے مطابق 11افراد کی حالت تشویشناک ہے۔جاں بحق ہونے والوں سے میں 4 افراد کی شناخت ڈرائیور مانو، رمضان، مسماة زینب اورعبدالله کے نام سے کی گئی۔پولیس حکام کے مطابق افسوس ناک حادثے میں زخمی ہونے والے افراد میں بڑی تعداد خواتین اور بچوں کی ہے،حادثہ کا شکارمسافر کوچ کراچی سے مٹھی جارہی تھی۔