نیپا چورنگی کے قریب واقع جھگیوں میں اچانک آگ لگنے سے اک بچی جھلس کر جاںبحق

کراچی کے علاقے گلشن اقبال میں جھگیوں میں آگ لگنے سے ایک بچی جاں بحق اور دو افراد زخمی ہوگئے۔نیپا چورنگی کے قریب واقع جھگیوں میں اچانک آگ بھڑک اٹھی جسے بجھانے کےلیے فائر بریگیڈ کی چار گاڑیوں نے حصہ لیا اور آگ پر قابو پا کر کولنگ کا عمل بھی مکمل کر لیا۔آتشزدگی کے باعث کئی جھگیاں مکمل جل گئیں جبکہ کچھ جھگیاں معمولی متاثر ہوئیں۔

واقعے میں جاں بحق ہونے والی 4 سالہ بچی کی شناخت فاطمہ کے نام سے ہوئی جبکہ زخمی افراد کو جناح اسپتال منتقل کیا گیا۔